Christopher Yoo at bìnchidu in Orosei su prèmiu “Sardinia World Chess Festival”. A su de tres postos est arribadu s’italianu Larentu Lodici.
Pius de 250 jogadores dae 33 natziones diferentes ant chertadu in sa Baronia. Unu de custos est Frantziscu Sonis, chi nch’est istadu postu a un’oru, azumai a s’ùrtimu, dae Christopher Yoo. In sa categoria Open B ant fatu una bella fregura Crabielle Beccaris e Pedru Genovesi, ma menzus de a issos puru Soghomonyan Tigran, chi est unu jogadore de Armènia. In sa categoria Open C at bìnchidu puru Mattia Mei. Sas garas las at pòtidas sighire chie cheriat, ca nche las ant postas in direta streaming in sas piata-formas mondiales. Franco Cuccureddu at nadu chi sunt istadas garas chi ant valorizadu puru sas bellesas chi bi sunt in s’ìsula nostra. E Roberto Mogranzini at nadu chi a torrare a fàghere cust’atopu in Sardigna est istada una cosa de importu mannu, a pustis chi nche mancaiat dae carch’anneto.
Sa chida de su tres de maju a Orosei sunt atopados zogadores meda de “scacchi”, ca b’ant fatu s’editzione de ses de su Sardinia World Chess Festival. In s’IT Marina Beach, dae su 27 de aprile, sas dies de sa morte de su paba, b’at acudidu unos 260 jogadores dae donzi parte e logu de su mundu.
Po sa parte finale, bi fuint puru sos presidentes de sa Federatzione natzionale e regionale, Luisi Maggi e Danilo Mallò. Sos chi ant bìnchidu sunt: in sa categoria Open A (Elo ≥ 2000): 1° GM Christopher Yoo (Usa), 2° GM Ilhor Samunenkov (Ukr), 3° GM Lorenzo Lodici (Ita); in sa categoria Open B (Elo < 1999): 1° Soghomonyan Tigran (Arm), 2° Crabielle Beccaris (Ita), 3° Pedru Gervasi (Ita); in sa categoria Open C (Elo < 1699): 1° Sushruta Reddy (Ind), 2° Kienboeck Samnuel (Aut), 3° Mattia Mei (Ita).
A Frantziscu Sonis l’at bìnchidu Christopher Yoo. Roberto Mogranzini, chi at ammaniadu s’atopu paris cun Emmedi sport, at nadu chi b’aiat zogadores dae donzi parte e logu de su mundu e custu cheret nàrrere chi s’atopu est connotu in totue. Medas sunt istados sos zòvanos, siat dae Itàlia, siat dae èstero. De sos jogadores pius pitzinnos tocat de montovare a Alanna Berkyzyy, bènnida dae su Kazakhistan, chi at zogadu bene meda.
Sa gara est istada de fadiga manna po su campione de Aristanis Frantziscu Sonis, chi Christopher Yoo at bìnchidu in su turnu de sete. Roberto Mogranzini at torradu gràssias a chie est andadu a bìere sas garas, ma puru a sos àrbitros e a sos isponsor, ca sena s’azudu in dinari no aiant pòtidu fàghere nudda. At poi nadu chi s’ispera est de tènnere totu cussa zente puru po s’annu in fatu, in sa gara chi at a èssere dae su tres a su deghe de maju de su 2026.
A pustis de sa gara de su 2024, chi est istada riconnota comente sa menzus gara de Itàlia dae sa Federatzione iscachìstica, si cumprendet chi su jogu de sos “scacchi” est cosa chi aggradat meda in Itàlia. Custa gara est de importu mannu ca est a intro de su chircu uffitziale de sa Federatzione mondiale de iscachìstica (Fide), chi balet puru po jogare in sa “Coppa del Mondo”.In dinari b’aiat unos 50.000 èuros, e de custos 10.000 fuint po su primu. S’assessore regionale a su Turismu, Franco Cuccureddu, at nadu chi s’isport e sa cultura servint mescamente po dare valore mannu a sas bellesas de sa natura chi nche tenimos in Sardigna. Istèvene Piano, segretàriu de s’assessore a su Turismu, at nadu chi b’at acudidu persones a mizas, duncas chi nd’at balanzadu su turismu puru. Bruno Perra, presidente de su Coni, at nadu chi sa cosa est istada bella abberu. Invetze, Rossana Podda, chi tribàlliat paris cun s’assessore, at nadu chi l’at fatu piaghere meda a bìere sos zòvanos in cust’atopu. At nadu puru chi custu jogu podet crèschere meda si nche lu leant a iscola, imparànde-lis a zogare a sos istudiantes, cosa chi at nadu puru Zuanne Domìnigu Sàbiu, chi est in da Federatzione Scacchi isulana.
